"ပါဠိဖတ်နည်း"

ပါဠိစာကို အသံထွက်
ဖတ်တတ်ဖို့ အောက်ပါ
စည်းမျဉ်း ဥပဒေသတွေကို သိရှိထားဖို့ လိုပါတယ်။

၁။ နှစ်လုံးဆင့်တွေ့တိုင်း အပေါ်ကအလုံးကို သတ်ရတယ်။
ဥပမာ=သမန္တာ-သမန်တာ။
မင်္ဂလာ-မင်ဂလာ။

၂။ ရှေ့မှာ သဝေထိုးပါပြီး နောက်မှာ က် ဂ် စ် ဇ် တ် ဒ်စသည် အသတ်ပါရင် စသတ်အတိုင်း ဖတ်ရတယ်။
ဥပမာ=သေက္ခ-သစ်ခ။
ဝေဇ္ဇ-ဝစ်ဇ။
မေတ္တာ-မစ်တာ။
ဥပေက္ခာ- ဥ ပစ်ခါ။

၃။ ရှေ့မှာ သဝေထိုးပါပြီး
 နောက်မှာ င် ဏ် န် မ် အသတ်ပါရင် ငသတ်အတိုင်း
ဖတ်ရတယ်။
ဥပမာ= မေဏ္ဍက - မင်ဍက။
သမေန္တု - သမင်တု။


၎။ ရှေ့မှာသဝေထိုးပါပြီး နောက်မှာ ရေးချနှင့် အသတ်ပါရင် ဝဆွဲပါတဲ့အတိုင်း
ဖတ်ရတယ်။
ဥပမာ= သောတ္ထာနံ= သွတ်ထာနံ။
ဟောန္တိ-ဟွန်တိ။
ကောဏ္ဍည- ကွဏ် ဍည

၅။  နောက်မှာ ဟထိုး(ှ)
ဝဆွဲ(ွ) ယပင့်(ျ ) ရရစ်(ြ  )ပါရင် ၄င်းတို့နှင့် ယှဉ်တွဲနေသော ဗျည်းကို ရှေ့ကအက္ခရာ၏ အသတ်အပြင် မြင်ရတဲ့ဗျည်းအသံအတိုင်း ဖတ်ရသေးတယ်။
ဥပမာ= အမှာကံ - အမ်မှာကံ။ ဒတွာ-ဒတ်တွာ။
(တချို့က ဒတ်တဝါဟု ဖတ်ကြသေး၏)
သက်-သက္က်။
စကြာ-စက်ကြာ။
အတြာ-အတ်တရာ။

၆။ ညကို တွေ့ရင် ညနှစ်လုံးဆင့်ဟုမှတ်။
ဉ တွေ့ရင် လုံးဆင့်မပါသော ညဟုမှတ်။
(ဉ နှင့် ဥ မတူပါ)

ဋ္ဌကို တွေ့ရင် အပေါ်ကဋ အောက်ကဌ အဆင့်ဟုမှတ်။
ဍ္ဎကို တွေ့ရင် အပေါ်က ဍ
အောက်က ဎ ဟုမှတ်။

ဿကို တွေ့ရင် သနှစ်လုံးဟုမှတ်။

ညသတ်ကို ငသတ်အသံဖြင့်ဖတ်။
ဥပမာ= ပဉ္စ-ပင်စ။
ပညာ-ပင်ညာ။

ဆောင်ပုဒ်ဖြင့် မှတ်သားထားရန်
၁။ နှစ်လုံးဆင့်မှာ အထက်သာ သတ်ပါမြဲဧကန်။
၂။ သဝေလည်းထိုး တသတ်မျိုး ဖတ်ရိုးစသတ်သံ။
၃။ သဝေလည်းထိုး နသတ်မျိုး ဖတ်ရိုးငသတ်သံ။
၎။ သဝေရေးချ (ေ-ာ) သတ်မြင်က
မှတ်ကြဝဆွဲသံ။
၅။ ဟထိုးဝဆွဲ ရရစ်ယပင်း တွေ့တုံလျှင်းက နှစ်ဝတာဝန် ကျေပွန်စေရန် အသံအသတ် ယူမြဲမှတ်။

(ဆောင်ပုဒ်နှင့် ဖြေရှင်းချက်ကို အမှတ်စဉ်တူတူဟု မှတ်ပါ။ ဆောင်ပုဒ်အဓိပ္ပါယ်ကို နားမလည်သေးရင် ဖြေရှင်းချက် ဥပမာကို ပြန်ကြည့်ပါ)

ပါဠိစာတွေက စာလုံးဆင့်တွေမို့ မဖတ်တတ်ဘူးလို့ ပြောနေသူတွေအတွက်
ပါဠိဖတ်နည်း နည်းစနစ်ကို ရေးတင်ပေးလိုက်တာပါ။
ဒီနည်းစနစ်ကို သိထားမယ်ဆိုရင် ပါဠိစာတွေကို မဖတ်တတ်စရာ အကြောင်းမရှိပါဘူး။
သို့သော် အဖြတ်အတောက်တော့ လွဲချင် လွဲနိုင်ပါတယ်။ အဖြတ်အတောက် မှန်ကန်ဖို့ ဆိုတာကလည်း ပါဠိ၏ အနက်အဓိပ္ပါယ်ကို သိမှသာ မှန်ကန်စွာ ဖြတ်တောက်နိုင်တာပါ။ တချို့ သံဃာတော်များတောင် အဖြတ်အတောက် မှန်ချင်မှ မှန်တာပါ။ ပါဠိစာပေက စကားပြော မရှိတော့တဲ့အတွက် ကိုယ့်အယူအဆနဲ့ကိုယ် ဖြတ်တောက် ဖတ်နေကြတာပါ။ သံဃာတော်များလည်း တစ်ပါးနှင့်တစ်ပါး အယူအဆ မတူတဲ့အတွက် အဖြတ်အတောက်လည်း မတူကြပါဘူး။ ဒါ့ကြောင့် သံဃာတော်များ ပရိတ်ရွတ်တဲ့အခါ တစ်ပါးနှင့်တစ်ပါး အဖြတ်အတောက် မတူတာမျိုးတွေ တွေ့နေရတာပေါ့။

(သံဃာတော်များ တစ်ပါးနှင့်တစ်ပါး အဖြတ်အတောက် တူ/မတူ သေသေခြာခြာ နားထောင်ကြည့်ရင် သိနိုင်ပါတယ်။)

မေတ္တာသဟဂတေန စေတသာ

ဦးဝိမလဗုဒ္ဓိ



ပါဠိဖတ်နည်း လေ့လာသူများအတွက်
***********************
စာလုံးဆင့်ဖတ်နည်းအလင်္ကာ
=====================

၁။ နှစ်လုံးဆင့်မှာ၊ အထက်သာ၊ သတ်ပါမြဲဧကန်၊
၂။ သဝေလည်ထိုး၊ တသတ်မျိုး၊ ဖတ်ရိုးစသတ်သံ၊
၃။ သဝေလည်းထိုး၊ န သတ်မျိုး၊ ဖတ်ရိုး င သတ်သံ၊
၎။ သဝေရေးချ၊ သတ်မြင်က၊ မှတ်ကြ၀ဆွဲသံ၊
၅။ ဟထိုး ၀ဆွဲ ရရစ် ယပင်း၊ တွေ့တုံလျှင်းက၊ နှစ်ဝတာဝန်၊ကျေပွန်စေရန်၊ အသံ အသတ် ယူမြဲမှတ်။

၁။ အဓိပ္ပါယ်မှာ�- အက္ခရာ ၂-လုံးဆင့်တွေ့လျှင် အပေါ် တွင်ရှိသော  အထက်
အက္ခရာကိုအသတ်တင်၍ဖတ်၊ အသံသေပြီး၊ ရှေ့အက္ခရာနှင့်တွဲ။
သမန္တာ ===== သမန်တာ
စက္ကဝါဠေသု === စက်ကဝါဠေသု
သဒ္ဓမ္မံ ====== သဒ်ဓမ်မံ

၂။ အဓိပ္ပာယ်မှာ- သဝေထိုးနှင့်တွဲတွဲသော တသက်ကို စ သတ်အသံ ထွတ်၍ဖတ်။
ဥပမာ-
မေတ္တာ === မေတ်တာ(မစ်တာဟု ဖတ်)
ခေတ္တရာ == ခေတ်တရာ(ခစ်တရာ ဖတ်)
သေတ္တာ == သေတ်တာ (သစ်တာ ဖတ်)
မှတ်ချက်။ ။ သဝေထိုးကို ပဠိ၌ ဧသရ ဟု ခေါ်သည်။

၃။ အဓိပ္ပာယ်မှာ- သဝေထိုးနှင့်တွဲသော န သတ်ကို င သတ်အသံ လွတ်၍ဖတ်။
ဥပမာ-
ပူရေ န္တံ === ပူရေန်တံ(ပူရင်တံ ဖတ်)
သမေန္တု ===သမေန်တု(သမင်တု ဖတ်)
ဒေဿန္တိ == ဒသ်သေန်တိ(ဒသ်သင်တိ ဖတ်)

၎။ သဝေဖိုးရေးချကို ၀ဆွဲ အသံထွတ်၍ ဖတ်ရမည်။
သောတ္ထာနံ ==   သောတ်ထာနံ(သွတ်ထာနံ ဖတ်)
ကောဏ္ဍည ==   ကောဏ်ဍည(ကွဏ်ဍည ဖတ်)
ဟောန္တု     ==   ဟောန်တု (ဟွန်တု ဖတ်)
မှတ်ချက် ။ ။ သဝေထိုးရေးချကို ပါဠိ၌ သြသရ ဟုခေါ်သည်။

၅။အဓိပ္ပာယ်မှာ-  ဟထိုး ဝဆွဲ ရရစ် ယပင့် အက္ခရာစာလုံးများနှင့် တွဲသော
အက္ခရာသည်၊ အသတ်တာဝန်ကိုလည်းယူရသည်၊ မိမိ၏ မူလအသံလည်း
ထွတ်ရသည်။
အမှ   =    အမ်မှ။  ကဏှ   =   ကဏ်ဏှ
တုမှ   =    တုမ်မှ။  သဏှ   =   သဏ်ဏှ
ပုဗ္ဗနှ   =   ပုဗ်ဗန်နှ။ ဤပြယုဂ်တို့၌ ဟထိုးနှင့်တွဲသော- မ၊ ဏ၊ န အက္ခရာတို့သည်

အသံအသတ် တာဝန် ၂-ရပ်ကိုယူရသည်။
သက် =   သက္က်          ဝါက်  =  ဝက္က်
နိသျ   =  နိသ်သျ..တို့၌ ရရစ်နှင့်တွဲသောက နှင့်ဆတို့သည် အသတ်နှင့် အသံတာဝန် ၂-မျိုးကိုယူထားသည်။

ကတွာ  =  ကတ်တဝါ     ဒတွာ  =  ဒတ်တဝါ
ပတွာ    =  ပတ်တဝါ      ဝတွာ =  ဝတ်တဝါ
တို့၌ ၀ဆွဲနှင့်တွဲသော တအက္ခရာတို့သည် အသတ်နှင့်အသံ တာဝန် ၂-မျိုးကို ယူထားသည်။

မှတ်ချက်။  ။ ဟထိုးသည် ဟ၊ ယပင့်သည် ယ၊ အရစ်သည် ရ ကောက်၊ ဝ ဆွဲ
သည်  ဝအက္ခရာ၏ ကိုယ်စားလှယ်ဟု အသီးသီးမှတ်။

အရှင် ဓမ္မသီရိကိုကျေးဇူးတင်ပါတယ်ဘုရား။
------------------------

သိမှတ်လိုသူအတွက်
ကော်ပီယူလာပြီး တင်ပေးပါသည်။


ပါဠိဖတ်ရာမှာ အထူး သတိပြုရန် အချက်များ
======================== 
(အရှင်သီလာနန္ဒာဘိဝံသ၏ ပါဠိဖတ်နည်း ပို့ချချက်၏ နောက်ဆက်တွဲအဖြစ် တင်ဆက်ထားပါသည်။ )

၁ ။ ပါဠိဘာသာ၌ `ရ´ ကို အင်္ဂလိပ်အက္ခရာ `R´ ကဲ့သို့ လျှာလိပ်သံဖြင့် `ra´ ဟု အမြဲဖတ်ရပါမယ်။  `ya´ဟု မည်သည့်အခါမျှ မဖတ်ရပါ။  အသံထွက်မှားလျှင် အဓိပ္ပါယ် လွဲချော်နိုင်ပါသည်။
ပုံစံ ။  ရသ (အရသာ)။  ယသ (အခြွေအရံ)။   ၀ရ (ပေးသည်) ။  ၀ယ (ပျက်စီးသည်)။  သရဏ (ဆည်းကပ်သည်)။  သယန (အိပ်သည်)။

၂ ။  `ဧ´ကို `အေ´ဟု အသံထွက်ရပါသည်။  သံယုဂ်တို့နှင့်စပ်၍လည်း ၀ိသဇ္ဇနီ ရှေးစည်းသံ မပါစေရပါ။  ပါဠိဘာသာ၌ ရှေးစည်းသံ မရှိပါ။
 ပုံစံ ။ ဧ၀ံ = အေ၀ံ ။   ဂစ္ဆန္တု = ဂစ်ဆန်တု ။  ဘန္တေ = ဘန်တေ ။

၃ ။  `ပ၊ ဗ၊ မ´ တို့ကို ပါဠိဘာသာ၌ မူရင်းအသံအတိုင်းပင် ဖတ်ရသည်။
မြန်မာသံဖြင့် `ပျ၊ ပြ၊ ဗျ၊ ဗြ၊ မျ၊ မြ´ ဟု မည်သည့်အခါမျှ မဖတ်ရပါ။
 ပုံစံ ။ မေတ္တာ = မစ်တာ။  ပညာ = ပင်ညာ။  ပဉ္စမ = ပင်စမ။  သဗ္ဗညုတ = သဗ်ဗင်ညုတ။  ပစ္စယော = ပစ်စယော။       
၎င်းတို့ကို မြန်မာသံဖြင့်  မျစ်တာ၊ ပျင်ညာ၊ ပျင်စမ၊ သဗ်ဗျင်ညုတ၊ ပျစ်စယော  စသည် မဖတ်ရပါ။

၎။  ပါဠိဖတ်ရာ၌ မူရင်းပုဒ် (ဓါတ်+ပစ္စည်း) ကိုမူတည်၍ တွဲ၍၎င်း၊ ခွဲ၍၎င်း ဖတ်ရအါသည်။  ပုဒ်ရင်းဖြင့် တိုက်ပြီး အသံထွက် အမှားအမှန်ကို ဆုံးဖြတ်ရပါသည်။
    ပုံစံ ။ အ+ပမတ္တာ > အပ္ပမတ္တာ = အပ်ပမတ်တာ.ဟု တွဲဖတ်။                  x အပ်ပ-မတ်တာ .. ခွဲမှား။
 အပ္ပ+ကိစ္စော > အပ္ပကိစ္စော = အပ်ပ-ကိတ်စော.ဟု ခွဲဖတ်။
 မုတ္တကာ+ဥတ္တမာ > မုတ္တကုတ္တမာ = မုတ်တကုတ်တမာ.ဟု တွဲဖတ်။  x  မုတ်တ-ကုတ်တမာ.. ခွဲမှား။
 အ+သေ၀နာ > အသေ၀နာ = အ-သေ၀နာ။ ခွဲဖတ်                       x  အသေ၀နာ ..    တွဲမှား။
 အဇ္ဈ+အဘာသိ > အဇ္ဈဘာသိ = အဇ်ဈဘာသိ။ တွဲဖတ်။            x အဇ္စ်-ဘာသိ .. ခြဲမွား။
 ပူဇန+ဧယ်ာနံ > ပူဇေနယ်ာနံ = ပူဇေနယာနံ။ တွဲဖတ်။           x  ပူဇ-နေယာနံ .. ခွဲမှား။

၅။ အချို့ပုဒ်ဆက်များကို ရွတ်ဆိုရာတွင် အသံများကို သန္ဓိအဖြစ် အသံချောအောင် တွဲဆက်၍ ရွတ်ဆိုရပါမည်။  ရွာသာယာကို `ယသယာ´၊  ကမ်းပါးယံကို `ဂဘယံ´ ဟု အသံထွက်ရသကဲ့သို့ ဖြစ်ပါသည်။
    ပုံစံ ။ ဣဒံ+အဝေါစ > ဣဓမဝေါစ = အိဓမဝေါစ။                     မေ+အဟံ > မျာဟံ = မျာဟံ။
သံ+အနန္တရ > သမနန္တရ = သမနန်တရ။ ( သမ-နန်တရ..မှား၏)။     
         အ+ပမတ္တာ > အပ္ပမတ္တာ = အပ်ပမတ်တာ။  (အပ်ပ-မတ်တာ.. မှား၏)
         သု+အက္ခာတော > သွာက္ခာတော = သွက်ခါတော။            ခေါ+အဟံ > ခွာဟံ = ခွာဟံ။

ပါဠိရွတ်ဆိုရာတွင် လွဲမှားရခြင်း အကြောင်းများ
=========================

၁။  ပုဒ်ရင်းကို သတိမပြုမိ၍ မှားခြင်း။  (ယခင်က တင်ဆက်ထားပြီးသော postနှင့် တွဲ၍လေ့လာရန်)

 ပရိတ်ကြီး ပါဠိတော်တွင် ( `အပ္ပကိစ္စော´ ပုဒ် မှလွဲ၍ ) `ပ´နှစ်လုံးဆင့်၊ `ပ´ဒွေးဘော်ပြု ပုဒ်များသည် `ပ´အက္ခရာဖြင့်စသော ပုဒ်များကို ၎င်းရှေ့ရှိ ပုဒ်များနှင့် တွဲဆိုရာတွင် သန္ဓိသဘော အသံချောအောင် စီမံထားသော ပုဒ်များဖြစ်၍ တွဲဆက်၍ ဆိုရပါမည်။  တွဲဆက်၍ ဖတ်ရပါမည်။
ပုံစံ ။  အပ္ပမာဒေါ။  အပ္ပမတ္တာ။  အပ္ပမာဏော။   အပ္ပသန္နေဟိ။  အပ္ပဋိဝတ္တိယံ။  အပ္ပရာဇိကာ။  သုပ္ပဋိပန္နော။   ဥဇုပ္ပဋိပန္နော။   ဉာယပ္ပဋိပန္နော။   သာမီစိပ္ပဋိပန္နော။   သုပ္ပဘာ။   ဗျာမပ္ပဘာယ။   ၀ိပ္ပမုတ္တော။   ၀ိပ္ပမုတ္တဿ။    ၀နပ္ပဂုမ္ဘေ။   စတုပ္ပဒေဟိ။   ဒုက္ခပ္ပတ္တာ။   ဘယပ္ပတ္တာ။   သောကပ္ပတ္တာ။   ဉာဏပ္ပဋိဝေဓံ။   ဓမ္မစက္ကပ္ပ၀တ္တနံ။ ... စသည်။
တွဲဆက်၍ ဖတ်ရမည့် အခြားပုဒ်အချို့မှာ ... အသမ္ပကမ္ပိယော = အ-သမ်ပကမ်ပိယော။   စိန္တယိံသု။   အန္တလိက္ခေ။ (အန်တ-လိတ်ခေ .. မှား၏)   စတူဟပါယေဟိ။   မုတ္တကုတ္တမာ။ (မုတ်တ-ကုတ်တမာ .. မှား၏)   ထေရဿင်္ဂုလိမာလဿ။   သဗ္ဗညုတညဏပ္ပဋိဝေဓံ။   ပူဇေနယ်ာနံ။
ခွဲ၍ဖတ်ရမည့် ပုဒ်အချို့မှာ ... အ+စိန္တယျုံ စသည့် negative ပုဒ်များ ... ။
ပါဠိဖြင့် (ဘဂ+၀တ) မှ ဖြစ်လာသည့်  ဘဂ၀တော ပုဒ်အရ  ဘဂ-၀တော.ဟု ခွဲ၍ဖတ်နိုင်သည်။
သက္ကဋဖြင့် (ဘဂ၀တ်) မှ ဖြစ်လာသည့် ဘဂ၀တော ပုဒ်အရ  ဘဂ၀တော.ဟု ဆက်၍ဖတ်နိုင်သည်။ မိမိနှစ်သက်ရာ ဖတ်နိုင်သည်။  ဤပုဒ်ကို ပညာရှင်ကြီးများပင်လျှင် ငယ်စဉ်က နှုတ်တက်လွဲလာခဲ့ကြသည်။  ဘဂ၀န္တံ၊ ဘဂ၀ါ စသော ပုဒ်များလည်း နည်းတူပင်။ (ဘဂ၀-တော .. မှား၏)။ အမှန်ဖြစ်လိုစိတ်ဖြင့် ယခုပင် ပြင်လို့ ဖြစ်နိုင်ပါ၏။

၂ ။  ပါဠိဘာသာကိုရေးသားထားသည့်အတိုင်းပင်အသံထွက်ရပါသည်။
(က)     စာလုံးပေါင်းကို ဂရုမပြုမိလျှင် ရွတ်ဆိုမှု လွဲမှားတတ်ပါသည်။  နှုတ်မှားတတ်သည်။
 ပုံစံ ။ သတ္ထာဒေ၀မနုဿာနံ.၌ `သတ်ထာ´ ကို `သတ်တာ´ ဟု၊
 ပုရိသဒမ္မသာရထိ.၌ `ပုရိသ´ ကို `ပူရိသ´ ဟု ။    မာတာပိတု.၌  `ပိတု´ ကို `ပီတု´ ဟု။
 သုပ္ပဋိပန္နေ. စသည်တို့၌  `ပဋိ´ ကို `ပဋိတ်´ ဟူ။  ၀ိညူဟိ.၌  `၀ိန်ညူ´ ကို  `၀ိညူ´ ဟု။
 ဂေါတမ.၌  `ဂေါတမ´ ကို  `ဂေါဒမ´ ဟု။  ဓမ္မံ.၌  `ဓမ်မံ´ ကို `ဓမံ´ ဟု စသည် မှားတတ်၏။

(ခ)     မြန်မာဝေါဟာရ အသံထွက်ဖြင့် ဖတ်မိလျှင် ရွတ်ဆိုမှု လွဲမှားတတ်ပါသည်။
ပုံစံ ။ ရတနံ.ကို `ယတနံ´။  မေတ္တာ.ကို `မျစ်တာ´။  ပညာ.ကို `ပျင်ညာ´။   ပစ္စယော.ကို `ပျစ်စယော´။ ... စသည်ဖြင့် မှားလေ့ရှိကြ၏။  သတိပြု၍ ပြင်နိုင်ပါမည်။

(ဂ) (အဖွဲ့ဖြင့် ရွတ်ဆိုရာ၌) အသံရှည်ဆွဲ၍ ရွတ်ဆိုလျှင်လည်း ရွတ်ဆိုမှု လွဲတတ်ပါသေးသည်။
ပုံစံ ။ ဘဂ၀တော ကို `ဘယ်ဂယ်ဝတော´၊  `ဘယ်ဂ၀ယ်တော´၊ `ဘာဂ၀တော´... ။   အရဟတော ကို `အယ်ရယ်ဟတော´၊  `အာရဟတော´၊ `အာရာဟတော´ ... စသည်ဖြင့် မှားတတ်ကြပါသည်။  သဒ္ဓာတိုး၍ သတိဆောင်လျှင် အလွယ်တကူ ပြင်နိုင်ကြပါလိမ့်မည်။

မိမိသည် ပါဠိစာတတ်သူ မဟုတ်ပါ။  ဘ၀တူ ၀တ်အသင်းသားများနှင့် ပါဠိဂါထာစသည်တို့ကို ရွတ်ဖတ်ပူဇော် လိုသူများအတွက် ရည်ရွယ်ပြီး တင်ဆက်ထားခြင်းသာ ဖြစ်ပါသည်။  အမှားတွေ့ပါက မေတ္တာဖြင့် comment မှာ ပြင်ဆင်ပေးစေချင်ပါသည်။